Eldo Marais (links), met sy geelbek en Jannie Roux met sy mooi rooivisse wat hulle naby Haaibank gevang het.
Omstandighede het weer eens gesorg dat see toe gaan ‘n probleem word vir die ou wat maar aan die versigtige kant bly. Die rowwe water het ‘n stort op see amper onvermydelik gemaak en ‘n kaggelvuurtjie met ‘n biertjie daarby darem baie meer aantreklik. Op ‘n stadium was die see ‘n baie aanvaarde 14+ grade en alles het daarop gedui dat die toestande nou so ideaal as moontlik was vir die vis om te baljaar, maar nou ja, so het dit ook nie gewerk nie.
Ek lê op ‘n amper windstil Saterdagoggend nog heerlik in die bed met ‘n see wat raas en my daaraan herinner dat ek die beter opsie gekies het. Oor die radio hoor ek van die baie snoek wat nou gevang word en reuse-elwe wat onverwags hulle verskyning gemaak het -- maar dis sommer baie ver van ons. Dit laat my ook wonder wat dan nog by ons moet plaasvind voordat ons ook gaan deel in hierdie verskynsel. En elke keer met die voorbereiding van hierdie artikel wonder ek of die manne nie gaan inklim onder die vis voor die verskyning van die Courant nie. Om pal te voorspel dat ons die vis NOU gaan vang en dan maar volgende week weer die kat uit die boom te kyk, raak ‘n bietjie dik vir ‘n daalder. Indien jy wil deel aan die verwagte byt van die vis moet jy egter op see wees, want by die huis, doenig in die visdam, gaan jy droëbek bly!
Welkom aan die vakansiegangers, geniet julle tydjie met ons en hou in gedagte dat galjoen koningskos is, en wanneer jy hom self aangekeer het smaak hy soveel lekkerder. Die erge rowwe water wat ons nou ervaar sal net die boothengelaars nadelig ervaar en kan selfs gunstige toestande veroorsaak vir die manne met die lang stokke. Die verwagting is in elk geval dat daar hierdie week rustiger water op ons wag.
Soos beloof, die volgende vertaalde hengelterme -- reaksie hierop sal verwelkom word.
Geniet die see, Seemeeu
Smooth drag - egalige remvermoë (van ‘n katrol)
Hook dislodging tool - hoekverwyderaar
Swimming bait - lewende aas
Throwing plugs - gooilepels (soos vir elf)
Strip bait - strookaas/ reep-aas/ filet
On the drift - op die dryf
Gansbaai Courant provides the Gansbaai community with the latest in news and interesting stories about and around the area.
View ProfileXplorio is your local connection allowing you to find anything and everything about a town.
Read MoreDie staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...
Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.
Vertrou dat almal 'n baie geseënde Paasfees gehad het en dat almal uitsien na die laaste langnaweek.
The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).
Ernst Toerien, ‘n NG Sending-predikant in Rusland het onlangs in Gansbaai saam met sy eggenote, Betsie en hul dogtertjie, Nadja (3) bietjie van Gansbaai se sonskynweer kom geniet.
Die afgelope naweek het Academia teen Swartberg Sekondêr rugby, netbal en sokker gespeel.
Bekende woorde in ons dorp as iemand winkels toe gaan: "Onthou die Courantjie!"
GansbaaiCourant, jou maandelikse gedrukte nuusblad, verkrygbaar in uitgesoekte winkels van De Kelders tot by Pearly Beach Oord. Teken in en ontvang die blad maandeliks elektronies. R180 / 12 uitgawes. Navrae: publisher@gansbaaicourant.co.za
