Gansbaai Courant

Uiteindelik Snoek

Uiteindelik Snoek

Gansbaai Courant

Johan Burmeister het met 'n kraaines gespog. Foto: Jane Bailey

Hierdie week net ‘n kort verslaggie en dis snoek wat dit veroorsaak. So lank al is die verwagting dat die snoek sy verskyning behóórt te maak dat dit soort van afgesaag begin klink. Saterdag egter het die weer saamgespeel en die manne wat besluit het om by Dassiegat te gaan probeer het die regte beslissing gemaak. Dis waar die snoek behoorlik gesig gewys het en einde ten laaste kan ‘n man met ‘n oop gemoed sê, “die snoek is hier!”.

Van die bootklub se manne het baie goed gevaar en gemaai onder die snoek. En dis ordentlike, mooi visse. Nou nie dat daar ‘n oorvloed van bote by Dassiegat was nie, al is daar die vorige paar dae wel vis daar gekry. Wat gebeur het was dat die snoek blykbaar eers laterig begin byt het en sommige ouens teen hierdie tyd ander vangplek gaan soek het. Aaslyne, dollies en “spinners” het almal gewerk en vir ‘n ruk is daar gebaljaar onder die snoek.

Daar is ook ‘n paar mooi makriel gevang (Kleinbaai se kant) en die wat nie op hierdie plekke was nie het ordentlike roman en PW’s ingebring. Heelwat hotties is ook gevang.

Die weer vorentoe lyk glad nie sleg nie en indien alles so belowend bly gaan dit onnodig word om Hermanus toe te ry vir die snoek. Dis bietjie laat, maar dankie tog!  Groete, Seemeeu

Nog vertalings: Jig heads, light spinning tackle - loodkoppe, (waaronder lepelkoptipes), Lead head jigs with soft plastics - loodkoppe met sagte plastiekkunsaas, Lures for trolling and jigging - kunsaas vir sleep en wip, Boat gaff - bootgaffel, Scoop net - skepnet, Shank - hoeksteel. 

Uiteindelik Snoek

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Otto Bylmoord hervat

Otto Bylmoord hervat

Die staat se laaste twee getuies in die bylmoordsaak van Jan (Nugget) Otto het verlede week in die Strand se Streekshof getuig. Spr A/O Hayes en die hoofondersoekbeampte, Spr Kapt Danie Rautenbach, is na hul getuienis onder kruisverhoor geneem waa...

Gansbaai Courant
Fraternal ontbyt

Fraternal ontbyt

Gansbaai Ministers Fraternal het onlangs, onder leiding van die voorsitter, ds Dennis Naidoo, ‘n gesellige ontbytoggend geniet. Die geselligheid is goed bygewoon en die onderlinge samesyn het spontaan verloop.

Gansbaai Courant
VLV Nuus

VLV Nuus

Vertrou dat almal  'n baie geseënde Paasfees gehad het en dat almal uitsien na die laaste langnaweek.

Gansbaai Courant
DA Shows Its Multi Coloured Coat

DA Shows Its Multi Coloured Coat

The misconception that the Democratic Alliance is a political party for whites was blasted away at the DA Rally for the Eastern Region of the Western Cape in Hartenbos on Saturday (12 April 2014).

Gansbaai Courant