Die kweek en groei van wettige perlemoen deur etlike perlemoenplase, onder andere in die onmiddelike omgewing, dra grootskaals by tot werksgeleenthede - nie net op die perlemoenplase nie, maar ook by etlike plaaslike besighede. Een so ‘n voorbeeld is Omega Ondernemings van Kobus van Staden wat van sy nuutste perlemoenplaas-kontrak vertel.

Kobus het reeds etlike kontrakte in die verlede gefinaliseer en die huidige een is vir die bou van uitgroei-tenks (grow-out tanks), wat meegebring het dat hy werk aan sowat 26 werkers kon bied. Nog twee voorbeelde van plaaslike besighede is Marine Plastics en Gamco, maar vele ander vind ook baat by die perlemoenplase. Die kweek en groei van wettige perlemoen se vier belangrikste stadiums is die broeitydperk, larwetydperk, vestigingstydperk en die speentydperk (Brood stock, Larva rearing, Settlement and Weaning). Daarna word die perlemoen na buite in die groei-tenks (grow-out tanks) oorgeplaas.

Die 4 perlemoenplase in die onmiddelike omgewing is Atlantic Abalone Farm, Buffeljachts Abalone Farm, I & J Dangerpoint en Roman Bay Seafarm, met nog ‘n beplande perlemoenplaas te Buffeljachts deur HIK (HAW & INGLIS). Inligting rakende hulle werksgeleenthede word gekombineerd verskaf om nie statistieke aan ‘n spesifieke perlemoenplaas te koppel nie: Permanente werkers ±320; Tydelike kontrakwerkers ±25-50; Uitbreidings in proses ±80 permanente werkers; Uitbreidings met opgraderings ±120-150 werknemers, asook verdere uitbreidings vir ±120-150 werknemers. So kan daar aangegaan word, alles tot voordeel van die omgewing, ekonomie en werkskeppingsgeleenthede.

Hardus Botha

 Foto: ‘n Deel van die groep werkers van Omega Ondernemings wat baat vind by Perlemoenplaaskontrakte, by die “Grow-out”-tenks wat hulle plaaslik vervaardig word

Zoom