‘n Duitse  toeriste-egpaar het verlede Woensdagmiddag om 2nm ‘n nagmerrie-ondervinding gehad toe hulle deur ‘n mesdraende man voorgekeer en bedreig is. Die man en sy vrou was onderkant Steynstraat op die kuswandelpad naby Skulpiesbaai toe die man hulle voorgekeer het. Hy het die vrou (40) beveel om haar broek uit te trek terwyl hy homself ontbloot en betas het. Die man het om hulp geroep en hy en sy vrou het weggehardloop. Die polisie is in kennis gestel en ‘n beskrywing van die aanvaller is gegee. Spr Sers Leon Crafford het vinnig gereageer en die verdagte, Ricardo (alias Bozo) Hendricks (31) van Blompark is binne 10 minute na die aanval naby die R43 op ‘n oop stuk veld by Clydestraat aangekeer. Die mes is in sy besit gevind en hy is positief geïdentifiseer.                                    
Francois de Jongh