SAMSA verwag van alle skiboot eienaars, sport/ontspanning en kommersieël om te sorg dat hul bote aan "level floatation" voldoen. Daarby word bedoel dat indien dit vir een of ander rede sou omslaan, dit horisontaal in 'n onderstebo posisie in die water moet dryf. Die doel hiervan is dat die bemanning so gou as moontlik uit die koue water moet kom deur bo-op die romp te klim en daar te wag totdat hulp opdaag.
Om aan "level floatation" te voldoen moet daar uitgewerk word watter invloed die gewig van die buiteboordmasjiene aan die agterstewe van die boot gaan hê. Daarvolgens word daar uitgewerk hoeveel flotasiemateriaal in die agterstewe geplaas moet word om aan "level floatation" te voldoen.
Gedurende bootondersoeke in die toekoms sal daar gekyk word of dit aan bogenoemde vereistes voldoen of nie. U sal dan na iemand verwys word wat die nodige berekeninge sal doen en dan 'n "level floatation" sertifikaat aan die booteienaar sal uitreik.
Alle booteienaars word baie vriendelik versoek om vroegtydig hul bote te laat ondersoek en nie te wag tot op die laaste dag wanneer die veiligheidssertifikaat verval nie.
Vir verdere inligting kan u my skakel by 028 388 0353 of 082 690 1835.
Koos de Kock, SAMSA Ondersoek– en Veiligheidsbeampte