Gansbaai Marine is onlangs met ‘n spesiale toekening deur die Dept van Hoër Onderwys en Opleiding tydens ‘n Nasionale Vaardigheidskonferensie vereer. Die konferensie is in die Birchwood Hotel in Gauteng gedurende Oktober aangebied, met die tema: “Together, turning every workplace into a training space”.

Onderskeidelik 2de en 3de van links is Micheal Lolwana en Hennie Ritter van Gansbaai Marine saam met enkele hooggeplaasdes van die Dept van Hoër Onderwys en Opleiding se spesiale Gala-aand

Hierin slaag Gansbaai Marine al oor etlike jare heen met hulle beroepsgerigte jaarprogram wat uit gestruktureerde teoretiese leer en praktiese werksplekondervinding bestaan en waarvoor NQF 2 sertifikate uitgereik word. Die hoofdoel van die konferensie is om doelwitte, uitdagings en suksesse rakende vaardigingsopleiding uit te lig. “Accompanying the conference will be the inaugural National Skills Authority (NSA) Recognition Awards, that will be celebrating excellence by recognising good practises in skills development across SETA’s, Companies and NSF funded projects,” lui die oorspronklike uitnodiging.

Die oorhandiging van die spesiale toekennings is deur minister Mduduza Comfort Manana waargeneem. Vele groot maatskappye is by Foodbev Seta Food ingeskakel en die 14 genommineerdes wasClover, Distell Limited, Edward Snell and Company Limited, Enterprices (Pty)ltd, Foodcorp PTY Ltd, Gansbaai Marine, KeesBeyers Chocolates, Peninsula Beverage CO Pty Ltd, Pioneer Corporate Service, SAB-Isando, Simba, Tiger Management, Tiger Management Service Ltd (King Foods) en West Point Processors PTY Ltd. Hierdie bekende name in die voedselvervaardigingsektor en/of visindustrie, is ‘n goeie aanduiding dat Gansbaai Marine sonder twyfel onder die “grotes” gereken kan word.

Hardus Botha