Lendi Botha wat dringend fondse vir ‘n heupvervanging benodig

Lendi Botha van Gansbaai se regterheup het reeds gedurende 2011 probleme begin gee en in 2012 is sy gediagnoseer vir ‘n heupvervanging.

Sy is daarna op Tygerberg Hospitaal se waglys geplaas, met die ontstellende nuus dat dit tussen 10 en 12 jaar gaan duur alvorens sy ‘n kans op ‘n heupvervanging sal staan.

Lendi verkeer in konstante pyn wat op ‘n daaglikse basis vererger. Sy het gedurende 2005 vanaf Kroonstad na Gansbaai verhuis, waar sy onthou sal word vir haar werk by die destydse Susans Kafee vir sowat 4 jaar tot en met die verkoop van die kafee in 2008.

Met die kostes van ‘n heupvervanging wat tussen R150,000 en R180,000 beloop, het Lendi nou ‘n uitstekende geleentheid by ‘n Trust Organisasie ontvang om ‘n heupvervangings-operasie vir R35,000 te ondergaan.

Die enigste nadeel is dat sy reeds op 18 Desember vanjaar vir die operasie moet aanmeld, wat deur dr Brendon Dower van Cape Hip & Knee Practice uitgevoer sal word. Die totale bedrag van R35,000 moet 5 dae voor die operasie inbetaal word.
Die amptelike Hulpfonds wat gestig is, se besonderhede is soos volg: Bank - Nedbank; Rekening - Lendi Botha Help Fund / Hulpfonds; Tak - Gansbaai; Takkode - 13200500; Rekeningnommer - 1060757311; Tipe rekening - Lopend. Donateurs wat bereid is om ‘n bydrae te lewer, kan van genoemde inligting gebruik maak, maar ‘n fondsinsame-lingslys vir enige ander bedrae is ook beskikbaar.

Vir enige navrae en/of ondersteuning van Lendi se Hulpfonds, kan Gavin Engelbrecht by 076-187-1200 geskakel word, of skakel Lendi se dogter, Lizelle van den Berg by 072-433-8437.

Hardus Botha