Die vlugroete word op die kaart deur 'n wit lyn aangetoon.
Op Dinsdag 3 Desember 2013 het Air France AF521 (Boeing 777) om 19:38 vanaf Kaapstad Internasionale Lughawe  opgestyg na Parys, Frankryk (Charles de Gaule). Ongeveer 10 minute na opstyging het die vliegtuig 'n noodsein uitgestuur, met die aanduiding dat dit wil terugkeer na Kaapstad Internasionale Lughawe.  Omdat die vliegtuig vol brandstof was, moes dit eers van die meeste van die brandstof ontslae raak om met die korrekte gewig te land. Volgens die vliegtuigvervaardiger, kan die vliegtuig nie met al die brandstof aan boord weer 'n landing doen as gevolg van die gewig en die hoë snelheid waarteen die landing uitgevoer moet word nie. Die bemanning het toe besluit om van die brandstof ontslae te raak en is hulle geklaar om die prosedure suid van Kaappunt uit te voer. Op die vliegroete kan gesien word dat daar van die brandtof onslae geraak is in 'n gebied sowat 5 km suid van Kaappunt en 35 km wes van Gansbaai.  'n Passasier op die vliegtuig het die foto geneem waar die vliegtuig van sy brandstof ontslae raak. Die rede vir die noodsein was dat die onderstel veiligheidsmeganisme (gear locking pin) nie van die neuswiel verwyder is deur die bemanning tydens die voorvlug inspeksie nie, wat tot gevolg gehad het dat die neuswiel nie  in die romp wou intrek nie, wat veroorsaak het dat die vliegtuig nie sy beplande vliegsnelheid op kruishoogte sou  kon bereik het, asook dat daar 'n verhoogde brandstof verbruik sou gewees het. Die vliegtuig het toe 45 ton kerosien (kragparafien) oor die see uitgelaat en die koste hieraan verbonde was in die orde van R630,000. Die vliegtuig het om 21:06 veilig geland op Kaapstad Internasionale Lughawe.
Mauritz du Plessis