Gansbaai Belastingbetalersvereniging se 2014 Komitee, met voor vlnr Nico Naude, Gerda Wessels en Charmain Smith. Agter vlnr is Phillip Rozekranz, Maretha Geldenhuys, Ivy van Huyssteen en Francois Smith.

“Ek is tevrede dat ons Algemene Jaarvergadering, ná ‘n bedrywige jaar, goed ondersteun is,” sê Gerda Wessels, voorsitter van die vereniging. Rdh Pieter Scholtz het as gasspreker opgetree en verskeie vrae is aan hom gerig, waarvan sommiges opgevolg sal word. Gerda het haar Voorsittersverslag aan die vergadering voorgehou, wat van ‘n bedrywige 2013 getuig het met etlike vraagstukke wat wel opgelos kon word. “Klagtes, maar ook waarderingsbriewe is aan mnr Kat Myburgh deurgegee.” Etlike uitstaande sake is bespreek, soos onder andere die afgelope tyd se stormskades, GAP-huise, Groenste munisipaliteit, Overstrandse munisiplaiteit se ongekwalifiseerde ouditverslag, die aanpassing van die erfskoonmaak-beleid, vullisverwydering, die R43 tussen Stanford en Hermanus en veel meer. Gerda het die volgende bedankings voorgehou: rdl Nicolette Botha-Guthrie (Overstrandse Uitvoerende Burgemeester), rdh Pieter Scholtz (Overstrandse Uitvoerende Onderburgemeester), Gansbaai se 3 Wyksraadslede, mnr Kat Myburgh (Areabestuurder van die Overstrandse Munisipaliteit se Gansbaai Administrasie), Biblioteekpersoneel, Gansbaai Inligtingskantoor, Gansbaai Media, betrokkenes met die voorsiening van verversings, 2013 komiteelede vir hul ondersteuning, De Kelders Belastingbetalersvereniging vir samewerking en laastens die vertroue wat steeds in haar as voorsitter gestel word. Die nuutverkose Komitee vir 2014 is Gerda Wessels (voorsitter), Nico Naude (visie-voorsitter), Charmain Smith (sekretaresse) en Ivy van Huyssteen (tesourier), met addisionele lede Maretha Geldenhuys, Francois Smith en Phillip Rozekranz. Gerda het almal ‘n Geseënde Kersgety en ‘n Voorspoedige Nuwe Jaar toegewens, waarna daar gesellig saamverkeer is en verversings geniet is. Vir Gansbaai aangeleenthede, klagtes en/of komplimente kan Gerda Wessels by 082-530-3223 gekontak word.
Hardus Botha