Overstrand Medical Response was vinnig op die toneel om na die pasiënte om te sien.

Twee kayakroeiers het by Kleinbaai in die moeilikheid beland toe hul kayak omgeslaan het.
Volgens Koos de Kock, NSRI verteenwoordiger in Gansbaai, het hy vir Wouter (20) en Realeen Nel (15) dopgehou nadat hulle naby Kleinbaai Hawe uitgegaan het. Hulle het om Black Sophie geroei en die kayak het in die rowwe water omgedop. Hulle het dit weer teruggedop en verder geroei net om weer om te slaan. "'n Groot brander het toe die kayak sonder die insittendes oor die rotse geslaan. Die twee roeiers het toe om die rotse geswem en Realeen is weer op die kayak opgehelp. Ek het deur die verkyker bloed op albei gesien en ook dat Wouter besig was om suksesvol die kayak na die vlakwater te sleep. Daar het ek hulle gehelp en Overstrand Medical Response (OMR) was gou op die toneel," het de Kock gesê. "Altwee pasiënte het verskeie skaaf– en snywonde opgedoen, terwyl Wouter se sleutelbeen ook gebreek is," het Riaan Buys van OMR gesê.  Volgens de Kock het hulle nie reddingsbaadjies, soos deur die regulasies vereis, gedra nie.                                                         
Francois de Jongh