R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Mnr Spurgeon-Hadden Wilson, die Rachel’s Angels, me Leandri Havenga (mentor) en mnr T Wilson
Die vorige twee jaar was daar gereeld oor die Rachel’s Angels projek by Academia geskryf. Dit is met groot opgewondenheid dat die tweede groep bekend gemaak is. Vrydag 24 Januarie het die mentor, Spurgeon-Haddon Willson die leerders kom ontmoet en die eerste werkswinkel is aangebied. Die Rachel’s Angels is ‘n program wat ontwikkel is om leerders wat uitstaan in akademie te mentor deur die Universiteit van Stellenbosch.
Mnr Spurgeon-Hadden Wilson het in breë trekke verduidelik wat dit behels om ‘n Angel te wees. Hulle sal moet deelneem aan werkswinkels, sosiale en kampus besoeke deur die jaar asook volgende jaar wanneer hulle in matriek sal wees. Na die twee jaar sal die wat akademies baat gevind het by die projek ‘n volle beurs om verder te studeer ontvang.
Vanjaar se “Engeltjies” is Chandri Bekker, Lindi van der Walt, Jenica Conradie, Marelieze Harmse, Shamima Brett, Shiela Swart en die haan onder die henne, Malcolm Mulope.
Liezel Mostert
