Links ontvang Adj-Off George Hayes die sleutel vir Gansbaai SAPD se speurders se nuwe kantore van Ricky Botha van M-Projects

Gansbaai SAPD se speurtak worstel baie lankal reeds met beperkte ruimte in hulle voormalige tydelike kantore. Sp-Kapt Danie Rautenbach, waarnemende Stasiebevelvoerder, het by SAPD se Nasionale Hoofkantoor aansoek gedoen vir die aanbring van nuwe en meer doeltreffende kantore vir die speurders.

Die aansoek is goedgekeur, die kantore is afgelewer en gefinaliseer. Ricky Botha van M-Projects het onlangs die sleutels amptelik aan Adj-Off George Hayes oorhanding.

AO Hayes het die tradisionele lint geknip, met Sp-Kapt Rautenbach en mnr Monty Mangiagalli, voorsitter van Gansbaai Gemeenskapspolisiëringsforum, wat bygestaan het. “Ons is dankbaar vir die nuwe en ruim kantore en sal eersdaags die partisies oprig om volwaardige kantore te kan geniet en benut,” het AO Hayes gesê. 

Hardus Botha

Vlnr is Spr-Kapt Danie Rautenbach, Adj-Off George Hayes en mnr Monty Mangiagalli, tydens die lintknip-seremonie