Die polisie is verlede Vrydag om 09:15 in kennis gestel dat daar 'n huisbraak in Gansbaai in aanvang was. Volgens A/O Wynand le Roux is Konst J Meyer, Sers F Groenewald, Sers W Basson en A/O M Vermeulen onmiddellik na die toneel.

Met hul aankoms het Meyer 'n geraas in die motorhuis gehoor en 'n man, wat aan hom bekend was, vasgetrek toe hy die gebou verlaat. Nog verdagtes het weggekom maar is na deeglike verdere ondersoek is twee mans aangekeer en aangekla vir huisbraak. Hulle het reeds in Hermanus Hof verskyn maar is jeugdiges en hul name kan dus nie gemeld word nie.

Die saak is uitgestel vir verdere ondersoek en die jeugdiges word in 'n plek van veilige bewaring aangehou.

Francois de Jongh