In Sondag se vroeë môre-ure is die klein gemeenskap van die PJ Gerber Natuurreservaat deur huisbrekers geteiken.

Tussen 02:30 en 04:30 is daar by 11 huise ingebreek en dit terwyl 3 eienaars tuis was. Een eienaar het gesê dat hy 'n baie ligte slaper is maar dat die inbrekers ten spyte daarvan goed langs sy bed gevat het. Hulle het ook klere uit sy kas gegooi. Televisiestelle, 'n klankversterker, 'n windbuks met 'n teleskoop, selfone en ander ware is gesteel. Die nedersetting is links van die grondpad tussen Franskraal Karavaanpark en Joli Fleur geleë.

Die saak word ondersoek en Spr Sers Leon Crafford kan met inligting by 028 384 0201 geskakel word.

Francois de Jongh