Mev Janette Vermeulen van Le Rouxstraat 14 is baie hartseer nadat haar Canon digitale kamera verlede Woensdagaand uit haar huis gesteel is.

"Daar is sowat 3000 foto's met baie sentimentele waarde op die kamera se geheuekaart. Ek stel nie belang in die identiteit van die persoon wat die kamera moontlik by die inbreker gekoop het nie. Hy kan ook maar die kamera hou. Ek wil net graag die geheuekaart terughê." Skakel asseblief 028 388 0196 met inligting.

Volgens Vermeulen het haar man op die tweede verdieping geslaap terwyl sy en haar seun om 22:00 aan 'n trapreëling in die huis gewerk het. Die inbreker het daklangs toegang by 'n skuifdeur tot hul slaapkamer gekry. Die feit dat haar man in die kamer geslaap het, het nie die inbreker afgeskrik nie.

Francois de Jongh