“Ons het aan die einde van die netbalseisoen gekom en dit was die eerste jaar nadat die nuwe Overberg Netbal Unie gestig is en op eie stoom gefunksioneer het,” vertel Bertruline Dickson. Sy sê hulle het 8 wedstryde gespeel, waarvan hulle 1 teen Swellendam verloor het.

Dit plaas Sea Stars en Mount Pleasant gelyk met punte, aangesien laasgenoemde ook net 1 wedstryd verloor het. “Daar is toe besluit dat dié twee nie vir ‘n 1ste en 2de plek gaan uitspeel nie, maar dat ‘n doelgemiddeld uitgewerk gaan word om die wenner te bepaal,” sê sy. “Nou loop die spanning hoog onder die meisies, aangesien ons verlede jaar die kampioene van daardie liga was en ons wil graag op daardie sukses voortbou.” Donita Kaptein word hartlik deur die span gelukgewens met haar keuring om die Overbergspan in die Paarl op 29-30 Augustus te gaan verteenwoordig. “Jy is ‘n ware seester en ons is trots op jou,” sê Bertruline.

“Baie dankie aan Gamco vir die nuwe stel spelersklere wat deur hulle geskenk is. Ons het groot waardering daarvoor en sal ons beste op die netbalvelde lewer.” Nou sien die Sea Stars uit na die bekeruitdeling te Caldon op 6 September en hulle hoop vir die beste.

Navrae rakende die Sea Stars Netbalspn kan aan Bertruline Dickson by 072-707-5687 gerig word.         

Hardus Botha

Zoom