Tannie Winnie (95), ‘n inwoner van Herberg-aan-See (HaS), daag gholfspelers uit om “saam met haar” die gholfstokke op Saterdag, 11 Oktober 2014 uit te haal en te wys wat hulle kan vermag. Om die “vooraf gevoel” te kry, het Tannie Winnie Steenkamp (95) en Tannie Smittie van Rensburg (86) Gansbaai Gholfbaan onlangs besoek en sommer ook ‘n gholfkarretjie van nader bekyk. Hulle is deur John van Rooyen (Bestuurder: HaS), Anita van Dyk (Administrasiehoof: HaS) en die nimlike Suster Linda Meyer na die gholfbaan vergesel. Daar het Jannie Brandt en Leon Hattingh van Gansbaai Gholfklub hulle verwelkom en die groepie het sommer heel tuis op die gholbaan en gholfkarretjie gevoel.

Voortdurende fondsinsamelings-projekte, soos die komende HaS-basaar eerskomende Saterdag, asook vele ander projekte wat veral deur die Gansbaai Goue Hande aangepak word, is noodsaaklik vir die bedryf van die Tehuis. Kostes verhoog by die dag, daarom verhoog die nood vir bykomende fondse ook by die dag. Hierdie “2 Balll Better Ball” gholfkompetisie ten bate van die Tehuis vorm deel van die voortdurende pogings om finansiële verligting mee te bring en kan gerus voluit ondersteun word. Ontbyt is by die baanfooie ingesluit en groot pryse is op die spel, soos Haaiduik vir 4, Walvisbesigtiging vir 2, 5 ster etes vir 4, wyngeskenkpakke en veel meer. Borge vir putjies en pryse is nog beskikbaar.

Laaste nippertjie navrae oor die komende en opwindende gholfdag ten bate van HaS, en/of inskrywings, kan aan John van Rooyen of Anita van Dyk by 028-384-0501 gerig word, of Gansbaai Gholfklub kan by 028-384-1441 geskakel word.                                   

Hardus Botha

Zoom