R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Negatiewe publisiteit met betrekking tot die situasie in onderwys in die RSA en spesifiek die uitslae van die Jaarlikse Nasionale Assessering (JNA’s) het die afgelope tyd hoogty gevier in die media.
Veral die feit dat minder as 10% van die Gr 9-leerders met hierdie assessering 50% en meer vir die Wiskunde-vraestel kon behaal, was kommerwekkend vir die meerderheid ouers. Die persepsie dat dit in alle skole die geval is, veroorsaak dat veral ouers toenemend negatief ingestel raak jeens skole waar hulle kinders skool gaan.
Ten einde hierdie persepsie in perspektief te plaas, maak Laerskool Gansbaai sy eie JNA-prestasies bekend aan die publiek en veral vir die aandag van ouers.
|
| Gr 1 | Gr 2 | Gr 3 | Gr 4 | Gr 5 | Gr 6 |
| Wisk | 89% | 91% | 79% | 68% | 67% | 77% |
| Afr | 88% | 92% | 92% | 81% | 84% | 83% |
Die ouers van Laerskool Gansbaai het die reg om bewus te wees van hulle skool se akademiese prestasie ten einde gerus te kan wees oor hulle kinders se vlak van onderrig. Ons het aan die einde van kwartaal 4 ‘n 100% slaagsyfer in alle grade behaal, behalwe in Graad 1 (92%) en Graad 6 (98%).
Baie sterkte aan al ons Graad 7’s met jul Hoërskool loopbaan – wees trots op jul Alma Mater!!
(Dankie aan mnr Wynand Bezuidenhout vir die samestelling van hierdie inligting)
