In die kerk is Desembermaand die ontstaan en einde van baie dinge wat die indruk skep van oorkoepeling. Waar die eerste Sondag in November die verkondiging van die koms van die Here Jesus beklemtoon, asook die verlange van profete oor die eeue heen om die Mesias te sien. Die wêreld se jaar kom aan ‘n einde, terwyl die kerkjaar alreeds weer begin het. Wat ‘n vreemde situasie! Dit herinner ons dat die eindes ook die begin van dinge is.

Soos ons Kersfees nader en ons die twee duisend jaar oue boodskap van die engele aanhoor, “Vrede op aarde aan alle mense”, verwag ons steeds die vervulling daarvan. Ons roep herinneringe terug van ons eie Kersfeestye - uit ons kinderjare, as mens, as jong getroudes, ensovoorts - die vele Kersfeesvieringe deur al die jare, tot nou toe. Ons voeg hierby ons hoop dat ‘n “Geseënde Kersfees” die engele se boodskap van lank gelede in ons eie tyd waar sal word. Mag u hoop en vrese van al die jare vervul word op Ou Kersaand. Ons vergader rondom die krip met ‘n bewustheid van die belofte van die verlede. Ons seëvier die geboorte - nie van die kind twee duisend jaar gelede nie, maar van geloof, hoop en liefdesbeloftes wat gemaak is en op gewag is en op gehou is. Die Gees wat altyd teenwoordig is, wat ons keer op keer trek na die krip. Ons eet en drink saam. “Dit is my liggaam, dit is my bloed”.

Die begeerte neem menslike vleeslikheid aan. Hoop het vlees geword. Dit eindig nie hier nie. Ons begeerte is nie net vir vandag nie, maar vir die toekoms - dat alle mense uiteindelik vrede sal ken. Dat broeder en suster weer versoen sal word. Dat die leeu en die lam weer saam sal wees. Dat ons kinders altyd Geseënde Kersgetye sal geniet. Ons hoop is om met die profete van ouds te verenig. Die hoop spreek tot alle mense - ons het tot ‘n volle sirkel gekom - hoop, teenwoordigheid, vervulling, einde en begin.

Ons wens u almal ‘n Geseënde Christus-gesentreerde Kersfees en ‘n Voorspoedige Nuwe Jaar vol wonderlike seëninge toe, wat net sal kom deur algehele gehoorsaamheid aan die Here Jesus Christus.

Ds. D. Naidoo, Ministers Fraternal Gansbaai