“Dit is belangrik om te onthou dat fotografie nie ‘n kuns is nie….dit is kuns,” het Clive Bailey, ‘n Bestuurslid van Gansbaai Fotografieklub tydens sy leersame Powerpoint-aanbieding, “Digital Camera Basic Control”, gesê. Die klub se byeenkoms op Maandag, 2 Februarie 2015 is goed bygewoon, met voorsitter Riaan Jacobs wat enkele aspekte van belang onder die lede se aandag gebring het. Die klub se permanente foto-uitstalling by Gansbaai Toerisme is feitlik gereed, terwyl die webtuiste, wat deur Veronica du Plessis in stand gehou word, ook reeds vele inligting, program ingesluit, bevat. Daarna het hy vir Clive aan die woord gestel.

Clive het met verduidelikings van die drie belangrikste basiese beginsels van fotografie in die vorm van ‘n driehoek begin: “The Exposure Triangle” - Bo: “Aperture (Dept of Field)”, links onder: “Shutter speed (Motion & Blurr)” en regs onder: “ISO Setting (Image Noise or Grain). Daarna het Clive stap-vir-stap die onderskeie funksies (“Program Modes”) van digitale kameras bespreek, met die volgende opmerking: “As jy die outomatiese funksie gebruik, is dit die programmeerder van die kamera se idees wat jy gebruik, maar as jy self met die verskillende opsies werk, is dit jou eie idees en foto’s - en eers dan word dit vir jou ‘kuns’ wat jy beoefen.” Hy het etlike van sy uitstekende foto’s as voorbeelde gebruik om die verskillende verstellings deeglik te illustreer, wat demonstrasies soos die volgende ingesluit het: “White balance, Colour compensation, Metering & exposure, Background, Middle Grey, Image histogram, Metering options, Exposure compensation”. Clive se volledige Powerpoint-aanbieding sal op die klub se webtuiste geplaas word. Clive het erkenning verleen aan ‘n uitstekende webtuiste: http://www.cambridgeincolour.com.

Datums om te onthou, is die volgende byeenkoms op 16 Februarie met die foto-tema “Kop-en-Skouers / Head & Shoulders”; 2 Maart, vir sluiting van die foto-kompetisie met die tema “Action/Aksie”.

Navrae rakende die klub kan aan Riaan Jacobs (voorsitter) by 082-373-8270 gerig word, of stuur ‘n e-pos aan hom by aejacobs@telkomsa.net.

Besoek gerus Gansbaai Fotografieklub se interessante webtuiste, www.gansbaaiphotographyclub.co.za.

Hardus Botha

Zoom