Twee huisrowers het Donderdag 'n jong man (25) oorval en met 'n pistool teen die kop gedreig. Die man het om 13:00 by 'n woonstelblok in Hoofweg, De Kelders, op 'n rusbank lê en televisie kyk. Die twee rowers het by die sitkamer se oop skuifdeur ingekom en sy kop op die bank vasgedruk. Hulle het hom herhaaldelik beveel "keep quiet". Terwyl die een rower die pistool teen sy kop gehou het, het die ander een die woonstel deursoek. Beide het ligblou oorpakke aangehad en een was lank en skraal en die ander korter en frisser gebou. Hul gelaatskleur was ligbruin. Die twee verdagtes het in die rigting van Stanfordsbaai met 'n selfoon, juweliersware en 'n tablet weggehardloop. Die polisie vra dat die publiek wat iets verdags opgemerk het die Speurtak by 028 384 0201 moet skakel.

Francois de Jongh

Zoom