Dit is vir my baie onaangenaam om aan te kondig dat genoemde stasie op 31-03-2015 gesluit is. Graag wil ek baie graag die volgende persone en instansies hartlik bedank vir hulle hulp en bystand in die verlede. Nico Kotze en Willem Stevens, my bemanningslede, asook vir alle herstelwerk op my boot, baie dankie ouens. Cassie, Riaan, Chantell en Steven en later ook Kobus wat bygekom het van Overstrand Medical Response wat hulp en bystand verleen het met insidente langs die kus met die behandeling van beseerdes, baie dankie, gaan aan met die baie goeie werk wat julle in die omgewing doen. Louw Hugo, Ronnie en Muis, baie dankie vir al die hulp en bystand in die verlede. Die bemannings van die haaibote en sleephellingpersoneel vir al julle hulp, bystand en vriendelikheid, baie dankie. Baie dankie Awie vir die goedkoopste kafee op die sleephelling. Baie dankie vir lede van die plaaslike SAPD wat in die verlede gehelp het met die herwinning van mense wat verdrink het en deur haaie gebyt is. Gaan aan met die baie goeie werk wat julle in die omgewing doen. Baie dankie vir al die lede van die publiek wat in die verlede insidente aan my gerapporteer het, baie dankie vir u oplettendheid.

Insidente moet van nou af aan die plaaslike SAPD gerapporteer word by 028-384-0201 of 10111 te skakel.

Koos de Kock (SADSAA Ondersoek/Veiligheidsbeampte)

Zoom