Steven Speelman (Bom), wat verantwoordelik was vir die mes dood van 'n werknemer van Gansbaai Courant, Jo-Ann (Heidi) Arendse (27), het verlede week 'n pleitooreenkoms met die staat gesluit.

Hy is 5 jaar tronkstraf opgelê vir mansslag. Versagtend was dat hy 'n eerste oortreder is en geen vorige geweldsmisdade gepleeg het nie. Jo-Ann, sy houvrou, se lyk is in die karavaan wat met sy met hom gedeel het gekry. Bom het haar dood by die polisie gaan aanmeld en hul het om 5h00 saam met hom na die karavaan gegaan. Sy het onder  'n duvet op die bed gelê en Speelman het beweer dat hy 'n liggie se draad onder die bed wou herstel.  

Toe hy op sy maag onder die bed uitkruip het sy volgens hom 'n epileptiese aanval gekry en met haar bors op die mes, wat hy agter sy rug gehou het, geval. Daar was egter geen liggie óf elektriese draad onder die bed nie en die bed was te laag om onder in te kruip. Die voorval is ook eers 4 uur later by die polisie aangemeld.                                    

Francois de Jongh

Zoom