R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Die Birkenhead Boothengelklub se onlangse en gewilde maandeindfunksie het spoggerig met ‘n klompie Cowboys en Cowgirls afgeloop. Die tema vir die aand was “Country en Western” en etlike lede en gaste het behoorlik “uitgehang”.
Die ete het uit egte hamburgers, chips en sop bestaan, met “brandy balls” vir nagereg. Met die nuwe beleid van funksie-reëlings, is dié aand deur klublede Steve en Margi Muller gereël. “Ons het onder 6 stoele ‘n ‘dot’ geplak en almal moes op ‘n stadium onder hulle stoele kyk,” vertel Margi. “Die ses stoele met ‘dots’ daaronder het elk ‘n cowboy-hoed gewen.”
Die aand is allerweë as baie gesellig en as ‘n groot sukses beskou, met Raymond Rabe se Musiekfabriek wat die “Country en Western” voete behoorlik laat jeuk het. “Indien die krag sou afgaan, wat wel voorspel was maar nie gerealiseer het nie, sou ons maar Cowboys en Crooks gespeel het, aangesien elke tafel ook ‘n ‘gun’ of twee met ‘hand cuffs’ gehad het,” vertel Margi."Ek en Steve dra graag ons opregte waardering oor teenoor al die komiteelede wat gehelp het om ‘n groot sukses van die aand te maak.”
Die volgende funksie is op 6 Junie, met die skippersvoorligtingsessie die voorafgaande Vrydagaand.
Vir klub- en/of funksienavrae kan Philip Fourie by 082-747-3634 geskakel word, of skakel vir Johan Wiese by 084-680-1269. Vir boothengelkompetisie-navrae kan Johan Burmeister by 082-895-7647 gekontak word. (Foto's deur Thys Fourie)
Hardus Botha
