R43 Padgebruikers Kla: Padmakers Moet Spoed V...
Gansbaai Courant het heelwat klagtes van padgebruikers ontvang dat die R43-pad tussen Stanford en Gansbaai onveilig is.
Vlnr is Johan Burmeister, Raymond Rabe, Lorainne en Philip Fourie van Gannet Financial Services Cc en Jean Downing tydens die oorhandiging van die borgskapspryse
As deel van 'n nuwe strategie vir 2013, asook om die Birkenhead Boothengel-klub se kompetisies des te meer opwin-dend te maak, is besluit om borgskappe vir die maandelikse boothengel-kompetisies te bekom. Waar deelnemers voorheen slegs hul inskrywingsgelde as pryse ontvang het, kan sake nou, met behulp van die borgskappe se gelukstrekkings, veel meer interessanter gemaak word.
Die afgelope kompetisie op 2 Maart 2013 is deur klublede Philip en Lorainne Fourie van Gannet Finan-cial Services Cc met R500 geborg. Hierdie dame en heer sorg vir uitmun-tende boot-, motor-, besigheids- en per-soonlike korttermynversekering en kan by 028-388-0076 gekontak word. "Ons is dankbaar om te kan sê dat ons alreeds borgskappe vir die volgende twee kompetisies aangebied is," het voor-sitter Raymond Rabe tydens die aandfunksie aangekondig.
Die Birken-headers se 4de boothengelkompetisie het goed afgeloop, met 5 bote wat ingeskryf het, waarvan 4 ingeweeg het, met 'n totale aantal bemanningslede van 13. Sewe verskillende spesies is ingeweeg. Die totale aantal vis wat ingeweeg is, is 130 met 'n totale massa van 101.15kg, wat ‘n gemiddeld van 7.78kg per hengelaar beteken.
Die volledige uitslae is soos volg: Swaarste vis, Johan Burmeister (Skipjack tuna - 4.05kg), wat ook 'n nuwe Klubrekord is; 2de Swaarste vis, Loelof Doyer (Rooi roman - 1.50kg); Swaarste sak, Bertus Prins (11.95kg); 2de Swaarste sak, Gavin Engelbrecht (10.7kg); Swaarste bootgemiddeld, Relêks2 van Jean Dow-ning (10.74kg); 2de Swaarste bootge-middeld, Nu-Nu van Johan Burmeister en Gawie Krugel (8.23kg); Dame Swaarste sak, Elna van Zyl (6.05kg). Die 1ste 3 voorlopers in die onderskeie kategorieë is: Bootkampioene - Nu-Nu van Johan Burmeister en Gawie Krugel (27.98kg); Relêks 2 van Jean Downing (23.25kg); Jay-Bee 2 van Piet van Zyl (22.70kg); Mans Visvangkampioene - Johan Burmeister (30.35kg); Gawie Krugel (26.40); Jean Downing (24.75kg). Dames Visvangkampioen - Elna van Zyl (23.7kg).
Die aandfunksie het soos gewoonlik gesellig verloop, met smaak-like vis & skyfies en nagereg, asook Raymond Rabe se gratis Musiekfabriek vir lekker dans tot laatnag toe.
Alge-mene navrae rakende die Birkenhead Boothengelklub kan aan voorsitter Raymond Rabe by 082-928-0594 gerig word, met kompetisienavrae aan wedstrydsekretaris Johan Burmeister by 082-895-7647.
Hardus Botha
