Die wakker optrede van Sers Frans Groenewald van Gansbaai se SAPD het Vrydagmiddag tot die arrestasie van ‘n perlemoenkoerier gelei.
Sers Groenewald het tydens patrollie te Masakhane ‘n swaar gelaaide wit Hyundai motor opgemerk. Hy het die voertuig afgetrek om dit te deursoek. “Toe ek naderloop het ek perlemoen in die voertuig gesien. Ek wou die bestuur-der arresteer maar hy het hom verset. Ek het egter daarin geslaag om hom met die hulp van ‘n lid van die gemeenskap aan te keer,” het Groenewald gesê. Khenyiso Nokilana (36) is aangekla vir die besit van 5969 ontskulpte perlemoen en verset teen arrestasie.
Die verdagte het reeds in die hof verskyn en die saak is uitgestel vir verdere ondersoek.
Francois de Jongh