Vir Black Leaves met nog geen punte op die punteleer nie en met hul derde wedstryd komende Saterdag (4 Mei) weg teen Villagers Worcester gaan dit ‘n vegterspoging soos min kos om sukses te behaal.
Met geen goeie wegrekord teen Worcester nie is dit noodsaaklik dat Black Leaves met ‘n positiewe ingesteldheid die tog sal aanpak. Daarna sal die manne weer in hulself moet glo om weer selfvertroue te kry.
Met die spoedige ruskansie wat Black Leaves geniet het was dit ontstellend hoe min spelers opgedaag het by die oefenveld. Dit moet belangrik vir spelers wees om altyd na die oefenveld terug te keer om meer te leer en foute uit te stryk.
Moenie aanneem dat spelers negatief of onwillig is as hulle ‘n meningsverskil het nie, gebruik die kommentaar as ‘n opbouende wenk.
Die uwe gee graag die gedragskode vir spelers deur; uit Effektiewe Klubbestuur (Die Suid-Afrikaanse Rugby Voetbal Unie) Aanhangsel 6, bl 63.
• Verstaan die reëls en speel daarvolgens.
• Weerhou jou daarvan om ongeloofde taktiek, wat stydig is met die gees van die spel, te gebruik.
• Moet nooit stry met ‘n amptenaar nie. Gebruik die regte kanale om die probleme op te los.
• Behou jou humeur.
• ‘n Ware sportman soek nie verskonings as hy ‘n wedstyd verloor het nie.
• Werk hard om sukses te behaal.
• Wees ‘n goeie sportman op en van die veld af. Jy moet bereid wees om ook te verloor.
• Behandel al die lede van die klub soos jy graag behandel wil word.
• As jy nie hierdie spel geniet nie, tree uit of help met afrigting.
• Gee ten alle tye jou samewerking aan die bestuur, amptenare, afrigter en kaptein.
• ‘n Sportman het net een kaptein.
• Respekteer die regte van ander klublede.
• Luister na goeie raad van afrigters.
• Pas alle toerusting en fasiliteite op – wys jy is trots op die klub.
Miskien ‘n lae hou onder die belt, maar het die manne dan nie die kannetjies van GPS o/13 en Gansbaai Academia o/16 verlede week dopgehou nie? Verwoestend, super rugby.
Black Leaves word sterkte en voorspoed toegewens vir hul kragmeting teen Worcester. 
So Bra “G”