'n Deel van die groep stappers bo-op Galpinkop in die Fern-kloof Natuurreservaat, met Hermanus in die agtergrond

Rob Koppel, leier van die staptog te Fernkloof, het soos volg laat weet: "The scheduled hike for 6th April was postponed due to misty and wet weather. The following Saturday provided ideal hiking conditions and a clear view from the top of Galpinkop (596m). The hike was a moderately difficult 9 kilometer circular hike, the views from the top are spectacular, including Walker Bay and the Hemel and Aarde valley.
  
Fernkloof Nature Reserve has six of the seven endemic plant families of the Cape Floral Kingdom, and many species are endemic to the Fernkloof Nature Reserve. Over 1600 species have been found in the reserve. Should you wish to become a member of the club, a one off cost of R50.00 is required to cover the costs of administration and the membership card. All welcome!" In haar mediaverslag skryf Anita Botha dat dit een van die mooiste staproetes was, "veral met die haarnaald-draaitjies (dankie-tog vir handreëlings) teen die berg op, maar met elke omkykslag is die stappers met 'n verruklike natuuruitsig begroet." Sy sê sommige stappers het wandel-stokke vir "handremme" met die steiltes, terwyl andere maar hulle spiere en tekkies as "handremme" moes inspan. "Die besef van 'n Groter Hand agter ons wonderlike natuurskoon is iets wat elkeen van ons met elke staptog opnuut en met dankbaarheid besef en waardeer," sê Anita. Sy wys gereelde en ongereelde stappers net op die belangrikheid van bewaring en om nie die natuur met weggooi-goed te ontsier nie. "Ons het byvoorbeeld 'n fisant gewaar wat in iets verstrengel moes geraak het, maar kon hom ongelukkig nie gevang kry om hom te bevry nie. Verantwoordelike stappers kan gerus maar altyd 'n sakkie saamneem en onwelkome artikels wat die natuur- en dierelewe kan skaad en ontsier, optel om later weg te gooi."

Strand-Veld Voetslaanklub se volgende stap is eerskomende Saterdag, 4 Mei by Napier, waarby die goudmyn ingesluit is. Die stapleier is Con van Eyssen en hy kan by 083-500-8748 geskakel word. Anita, Con en Jil Horton het saam met Piet Albertyn van Napier dié staproete verlede Vrydag gaan "verken" om vir 'n kommervrye stap Saterdag te sorg. Stappers word daarop gewys dat wintertye nou geld en die bymekaarkomtye elke eerste Saterdag van die maand by Gansbaai Toerisme is dus om 08:00.

Navrae kan aan die klub se sameroeper, Roelof Diener by 082-552-5444 gerig word.

Hardus Botha