Gedurende die naweek van 18 en 19 Mei 2013 is 'n Outdoor electronic music festival deur "Physco Stomper" te Walsacres-plaas gehou. 'n Padblokkade is opgerig en elf arrestasies is deur die polisie en wetstoepassers gemaak vir in besit wees van verbode middele.

Van die dwelms wat tydens 'n padblokkade naby 'n fees op die Walsacres-plaas gekonfiskeer is

Onder hierdie dwelms waarop beslag gelê is, was Ecstasy, dagga, LSD, liquid "acid" en magic mushrooms. Verskeie items is na die forensiese wetenskap lab vir toetse gestuur. 'n Persoon is ook vir dronkbestuur gearresteer. Baie klagtes is ontvang oor die harde musiek wat dwarsdeur die nag tot Sondag laatmiddag geduur het. 'n Klagte is Maandagoggend deur die publiek by die polisiestasie ingedien oor die geraas. Sommige inwoners het gesê hulle sal als in hul vermoë probeer doen om te voorkom dat soortgelyke "festivals" so na aan die dorp gehou word. Twee mans het op Maandag, 20 Mei 2013 in die Landdroshof te Hermanus op aan-klagte van in besit wees van verbode middels verskyn.
Strafbare mansslag
Op Sondag 19 Mei om 21h09 is die polisie na 'n motorongeluk op die R43 hoofpad naby die plaas Misty Mountains, Stanford uitgeroep.

Die verfrommelde Chevrolet

'n Silwerkleurige Chevrolet het gerol met 2 insittendes daarin. Een manspersoon van Hermanus is weens hoofbeserings op die toneel dood. Die bestuurder van die voertuig het ligte beserings opgedoen. 'n Dossier van strafbare manslag word ondersoek.
Brand
Op Saterdag 18 Mei om ongeveer 19h00 is die polisie en brandweer na 'n woning in Stanford ontbied waar 'n brand uitgebreek het. Mnr Schoeman van die brandweer was vinnig op die toneel en kon die brand blus. Volgens hom het die brand vermoedelik ontstaan by die afdak wat bestaan uit teerpale en riete. Op die teerpale het 'n klomp elektriese drade gelê en dit blyk dat die brand daar ontstaan het.
AO Hugo: Kommunikasie - Stanford SAPD