‘n Rustige Sondagaand is op 18 Augustus, so skuins na 6-uur, wakkergeskud tydens ‘n botsing tussen twee voertuie naby die Buitesteen Pub & Grill in Stanfordsbaai op die hoeke van Hoofweg- en Barnardstrate.

Die twee voertuie wat in die kruising van Hoofweg- en Barnardstrate in Stanfordsbaai betrokke was

Pieter de Vries, ‘n bekende in Lionskringe, was met sy wit Nissan Hardbody in Hoofweg vanaf De Kelders in die rigting van Perlemoenbaai op pad. By genoemde kruising het ‘n inwoner van De Kelders met sy maroon Mazda Midge vanaf De Kelders Bakkery in Barnardstraat gery en die stopteken by Hoofweg geïgnoreer, met remmerke wat bykans oor die volle lengte van die kruising gestrek het.
Altwee die voertuie is erg beskadig, maar niemand is ernstig beseer nie. Die bestuurder van die Mazda is vir die bestuur van ‘n voertuig onder die invloed van alkohol aangekla. Sy bloed is getrek en vir ontleding weggestuur. 
Hardus Botha