‘n Taxi het onlangs op die R24 net anderkant die Grootbos-afrit, rigting Stanford, omstreeks 22:30 in geheel uitgebrand. Die bestuurder het die vlamme betyds gesien en afgetrek. Hy en sy passasiers kon betyds en sonder enige beserings uitspring, maar hulle kon net toekyk hoe die voertuig in vlamme opgaan en geheel en al uitbrand. Gansbaai Brandweer, die SAPD, verkeersbeamptes en Overstrand Medical Rescue was vinnig op die toneel, maar die taxi was in vlamme gehul. Die brandweermanne kon dit net blus, maar nie die taxi red nie. Die verkeer is na en vanaf Gansbaai tot stilstand gebring en motoriste moes wag totdat die brandweermanne tevrede was dat die vlamme behoorlik geblus is.
Hardus Botha