Die twee uitblinkers in Februarie se Birkenhead Boothengel-kompetisie, met vlnr Johan Burmeister en Gawie Krugel

Ondanks ‘n ongemaklike wind en net drie bote wat ingeskryf het, het die boothengelkompetisie van die Birkenhead Boothengelklub op 15 Februarie 2014 redelik suksesvol verloop. Al drie bote, met ‘n totale bemanning van 11, het ingeweeg. Nege verskillende spesies is ingeweeg en die totale aantal vis wat ingeweeg is, was 104 met 'n totale massa van 51.85kg, wat ‘n gemiddeld van 4.71kg per hengelaar beteken.

Volledige uitslae is soos volg: Swaarste vis, Gawie Krugel en Johan Burmeister (Hottentot - 1.15kg); 2de Swaarste vis, Gawie Krugel en Johan Burmeister (Hottentot - 1kg); Swaarste sak, Johan Burmeister (10.68 punte); 2de Swaarste sak, Gawie Krugel (9.75 punte); Swaarste bootgemiddeld, Nu Nu van Johan Burmeister en Gawie Krugel (10.94 punte); 2de Swaarste bootgemiddeld, Relêks 2 van Jean Downing (5.53 punte). Die 1ste 3 voorlopers in die onderskeie kategorieë is: Bootkampioene - Nu-Nu van Johan Burmeister en Gawie Krugel (12.74kg / 17.83 punte); Relêks 2 van Jean Downing (9.57kg / 11.99 punte); Bella Me van Bev Swart (8.87kg / 9.64 punte). Mans Visvangkampioene - Bev Swart (12.98 punte); Henri Punt (6.99 punte); Steve Muller (6.50 punte); Dames Visvangkampioen - Dixie Walsh (5.45 punte). Hierdie kompetisie is deur Gawie Krugel van GG Krugel Konstruksie en Projekbestuur geborg.

Kennis moet geneem word dat boothengelkompetisies nie meer noodwendig op die 1ste Saterdag van elke maand plaasvind nie.

Die volgende boothengelkompetisie is vir 8 Maart 2014 geskeduleer. Kompetisienavrae kan aan Johan Burmeister, wedstrydsekretaris, by 082-895-7647 gerig word en Klubnavrae aan Philip Fourie, voorsitter, by 082-747-3634.

Hardus Botha