Oubaas Lesch met sy allemintige Wit Steenbras van 12.78kg

Die jaaroue Overberg Kushengelklub se tweede 2013  kushengelkompetisie het die resultate van die eerste kompetisie bevestig…hulle het nie die klub gestig om te speel nie. Hulle Februarie kompetisie op 16 Februarie het weer eens puik vangstes opgelewer. Dit was weer 'n "oop-area"-kompetisie en die 3 lede met die grootste visse vir die dag loop breë bors rond met hul prestasies. Oubaas Lesch het die grootste vis gevang, 'n Wit Steenbras van 12.78kg. Tweede was Mornè Olivier met sy Kabeljou van 2.54kg en 3de was Louis Otto met sy Kabeljou van 1,16kg.

Overberg Kushengelklub se volgende hengelkompetisie is vir 16 Maart 2013 geskeduleer. Dit sal weer 'n "oop-area"-kompetisie wees, met lyne in om 04:00 en skale wat om 19:00 by die klubhuis sluit. Vir enige navrae kan die Wedstrydsekretaris, Leibrandt van Niekerk by 082-487-3106 geskakel word, of stuur ‘n epos aan hom by bietouprops@gmail.com.
Hardus Botha