Jenny Danford is baie ontsteld oor die diefstal van 6 pragtige porselein engeltjies vanaf haar ouma Gesina en oupa Marthinus se graf in die Ou Begraafplaas. Die engeltjies was eers in haar ouma se kombuis in 'n bonsai-boompie.
Sy is op 16 September 2012 in die rype ouderdom van 88 jaar oorlede en die 7 engeltjies wat in die boompie gebly het, het 'n nuwe tuiste gekry. Ses op die graf se rand onder die grafsteen en een by Jenny.
Toe Jenny Dinsdagoggend die graf besoek moes sy tot haar ontsteltenis sien dat die 6 engeltjies verdwyn het. "Wat het gebeur, het hul weggevlieg," het sy hartseer gevra. Enige persoon met inligting word gevra om die Courant te skakel.
Francois de Jongh