Die begrip “dieremishandeling” kan in hierdie geval letterlik met “diere-moord” vervang word. Christelle Piek van Leeubekkiestraat 93 in Blompark se hond, ‘n wit teef kruising het verdwyn. Die hond is op 5 Augustus agter die woning van Joseph Arendse in Leeubekkiestraat 98, ‘n hanetree daarvandaan, gevind…..opgehang aan ‘n boom agter in die erf. Die hond is met ‘n oranje baaltou opgehang. Joseph sê dat hy niks gehoor of gesien het nie en was onbewus van die gru-voorval. BARC is gekontak, maar met Phillip Schreck se aankoms was die hond reeds dood. Die saak is by Gansbaai SAPD aangemeld en die ondersoekbeampte, Spr-konst Plaatjie, kan met enige inligting wat van hulp kan wees by 028-384-0201 gekontak word.

Hardus Botha