’n Besoek aan Dr. R Van Huyssteen was Vrydagoggend vir die Graad R kleuters van Laerskool Gansbaai leersaam en baie interessant.

Dr. Righardt het die kleuters se monde om die beurt nagegaan en speel-speel aan die maats verduidelik dat mond higiëne baie belangrik is. Elke kleuter het die kans gekry om op die groot blou tandarts stoel te le sodat elkeen 'n foto van sy/haar mond kan saam neem huis toe om vir mamma en pappa te gaan wys. Hulle het ook die instrumente bekyk en gevoel hoe werk die suigstokkie wat die mond skoon suig.

Elke kleuter het ’n buisie tandepasta en ’n nuwe tandeborsel by die spreekkamer present gekry asook instruksies vir die ouers oor hoe om melktande te versorg.

Na al die opwinding en bietjie angs kan ons verseker se dat die kleuters nou meer gemaklik sal wees met hul ondersoeke by die tandarts!