Gans-Berg News | 5 December 2025 Edition
Here’s a quick look at this week’s highlights, community updates, and important notices happening.
Uilkraal Feestelikheid
Die Kampkomitee van Uilenkraalsmond Vakansie-oord het gedurende die Feesseisoen vir ‘n vol program van feestelikheid gesorg. Die NGK se Kersdiens is ook daar aangebied, met baie moeite deur Lucille en Lerey om die saal pragtig te versier. Na die diens is die kinders bederf met lekkers, nadat hulle lekker saamgesing het.
Die vakansieprogram het onder andere die volgende ingesluit: daaglikse kinderpret, stalletjies, potjiekos-kompetisie, inkleurkompetisie, Kersvader wat kom kuier het, boeresport en ‘n gesellige sokkiejol. Langsaan was die gebruiklike en gewilde mini-gholf en water-glybane bedrywig.
Die hoogtepunt was die aanwys van Mnr & Mej Skulpie (3-5 jariges), Mnr & Mej Kraaltjie (6-10 jariges), Mnr & Mej Junior Uilkraal (11-17 jariges) en Mnr & Mej Uilkraal (18-25 jariges). Die beoordelaars wat die moeilike taak gehad het om die wenners aan te wys, was Gina Basson, Linda Kloppers en Jaco Louw. Moeilik moes dit beslis gewees het - almal was pragtig en puik in hul optredes, dus was alle deelnemers eintlkik wenners gewees.
