Die ‘Boet van Visnette’
Besoekers en vakansiegangers sal in die loop van die volgende paar dae ‘n hele bedrywighede met ons Pelagiesie Vissersbote...
Vyf Jukskeispanne Trotseer Bloedige Hitte
Vyf Jukskeispanne het mekaar in Gansbaai op Saterdag, 27 Januarie 2023 in bloedige hitte die stryd aangesê. Gansbaai het as gasheerklub opgetree. “Dit was ‘n Liga-wedstryd en eintlik was daar nie ‘wenners’ of ‘verloorders’ nie,” het Pieter Moore gesê. “Die hoofdoel van die dag se wedstryde was om ‘n span te kies wat die Overberg in Beaufort-Wes gaan verteenwoordig.”
Die spanne wat deelgeneem het, was Gansbaai (gasheerklub), Groenberg, Kleinmond, Bettiesbaai en Struisbaai. Dit was goeie wedstryde gewees en die manne en vroue het die skeie behoorlik en sekuur deur die lug laat ‘vlieg’!
Dr Google sê daar word vermoed dat Jukskei omstreeks 1743, sowat 80 jaar gelede, in die Kaap die Goeie Hoop, Suid-Afrika, ontstaan het. Dit is deur ‘transportryers’, wat met ossewaens gereis het, ontwikkel. Hulle het die houtpenne van die jukke as skeie gebruik. Daar word geglo dat die sport ‘n voorloper van die Amerikaanse hoefysterspeletjie is. Die doel van Jukskei is om die teikenpen af te slaan deur die skeie na hulle te gooi. Die sport word gespeel in ‘n veld wat twee sandputte het wat deur ‘n graskol in die middel geskei word. Die toerusting wat nodig is om die sport te beoefen is houtpenne, bekend as skeie en ‘n teikenhoutpen.
Jukskei-navrae in Gansbaai kan aan Pieter Moore by 072 670 3798 gerig word.
