Blog

Ontdek Zimbabwe en Botswana (Deel 10)

Ontdek Zimbabwe en Botswana (Deel 10)

Gans-Berg Nuus / News

Ontdek Zimbabwe en Botswana (Deel 10)

-Vanuit ‘n handgeskrewe joernaalboek-

In Deel 10 gaan ons voort met die twee egpare, Fanie en Judy Bothma van Franskraal en Dolf en Elna Nel van Saldanha, se toer van 44 dae deur Zimbabwe en Botswana gedurende Mei en Junie 2023 - met elke jota en titel van die toer wat dag vir dag kunstig deur Elna in haar joernaalboek opgeteken is, insluitend haar sketse - te veel inligting om weer te gee! 

Met Zimbabwe se avonture agter die rug, is die groep op pad na nuwe avonture in Botswane. By die Pandamortega grenspos verloop sake rustig aan die Zimbabwe-kant. Aan die Botswana-kant moes hulle met skoene deur dipbakke loop, asook met die voertuie deur dipvloeistof ry om die verspreiding van bek- en klouseer te beheer en geen rou vleis is toegelaat nie. “In Botswana lyk alles beter, die paaie, geboue, boerderye en landerye, ‘n plesier om te aanskou,” skryf Elna. “Dit lyk selfs beter as in Suid-Afrika!”

So terloops, inligting oor die Tuli Block dui daarop dat daar ‘n groot verskeidenheid van wildreservate is. Dit word as Botswana se bes bewaarde geheim beskou met een van die grootste, private wildreservate in Suider-Afrika, die Northern Tuli Game Reserve. Die Tuli Block is in die ooste van Botswana geleë, binne 'n smal strook langs die Limpoporivier in die grensdriehoek van Botswana, Suid-Afrika en Zimbabwe.

By Elephant Sands - “Where Elephants Rule”, soos ‘n bordjie aandui, is hulle verras met absolute netheid, kuierarea, swembad, WiFi en nog meer - met olifante wat 1-5m weg by die watergat ronddwaal en teenaan die tente en voertuie verbystap. Elna skryf dat sy nog nooit sulke groot olifante gesien het nie, “dalk omdat hulle so naby aan ons is!”

Volgende aan die beurt is die African Ranch River Camp op die walle van die Limpopo. “Daar aangekom, kon ons duidelik sien dis ‘n agtermekaar plek,” skryf Elna. “Aan die linkerkant is wildheinings wat die teenwoordigheid van wild bevestig en aan die regterkant is dit akkerbou op landerye met groot besproeiingstelsels.” Na ‘n ontspanne en heerlike kamp, roep die lang pad weer. 

Vanaf die African Ranch River Camp in Deel 10, is ons toervriende nou op pad na Mokolodi Camp, steeds in dieselfde omgewing, waarvan ons meer in Deel 11 van hierdie reeks in die Gans-Berg Nuus sal lees.

 
Hardus Botha
Ontdek Zimbabwe en Botswana (Deel 10)

Gans-Berg Nuus / News

Gans-Berg Nuus is a weekly bilingual community newspaper serving Gansbaai and the surrounding Overstrand areas. With a front page that alternates between Afrikaans and English each week, Gans-Berg Nuus / News is proud to be a platform that stays up to date with local news stories, important municipa...

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Recent Posts

Belangrikheid van Trauma Berading

Belangrikheid van Trauma Berading

“Die belangrikheid van trauma-berading moet nie onderskat word nie,” sê Sers Abigail Naidoo

AVBOB Se ‘Sirkusnarre’ Laat Skaterlag

AVBOB Se ‘Sirkusnarre’ Laat Skaterlag

“Met dié dat AVBOB Begrafnisdienste ons op 9 April 2024 besoek het, sou mens dink dat die atmosfeer maar stroef sou wees - toe is dit allesbehalwe die geval," vertel Elizma de Lange.

Amazing Grootbos Foundation Open Day

Amazing Grootbos Foundation Open Day

“The Open Day was primarily to give the visitors an opportunity to see the foundation's programmes and the work that we do," said Penelope Goemans.

Gansbaai Wynproegilde - Arabella Wyne se Geurige Wyne

Gansbaai Wynproegilde - Arabella Wyne se Geur...

Gansbaai Wynproegilde se suksesverhaal het geen einde nie - die gilde groei van krag tot krag, met die een byeenkoms so gesellig soos die volgende een.

Ontdek Zimbabwe en Botswana (Deel 12)

Ontdek Zimbabwe en Botswana (Deel 12)

In Deel 12 sluit ons af met die twee egpare, Fanie en Judy Bothma van Franskraal en Dolf en Elna Nel van Saldanha...

Jaarlikse Ope-dag Bonanza Visvangkompetisie

Jaarlikse Ope-dag Bonanza Visvangkompetisie

Die boothengelkompetisie van 30 April 2024 wat deur die bestuur van die Birkenhead Boothengelklub gereël is, verskil so 'ietwat' van die klub se gewone maandelikse kompetisies.