BARC Kry Warmer Kantoor Danksy Gemeenskapsprojek

Birkenhead Animal Rescue Centre (BARC) se kantoor vir die personeel is soos dit is, maar koud in die winter - die kaal houtvloer vererger die koue-situasie. Raadsdame Riana de Coning het, as deel van die DA se gemeenskapsprojekte, saam met Kelly van Rooyen by die hokke opgedaag om iets aan die kantoor se koue vloer te doen.

Saam met Riana en Kelly was ‘Onse Kat’ Myburgh, voormalige Areabestuurder van Gansbaai Munisipaliteit - en wat ‘n groot verrassing was dit nie om hom weer raak te loop - en nogsteeds met ‘n sagte plekkie in sy hart vir BARC. Hy het ewe hard ingespring en die groep is eers daar weg om rubbermatte (rubber teëls) te gaan uitsoek en te koop. Die DA-bestuur het die fondse vanuit hulle gemeenskapsprojekte bewillig. Die matte is ingesit en die verskil aan temperatuur in die houtkantoor kon sommer dadelik gevoel word. Die DA-bestuur is deur Nols Jonas van BARC namens die bestuurder, Annalie Jonker, bedank vir die mooi gebaar deur hulle.

Hardus Botha