Gansies Triomfeer met Groot Brag
Ja-nee, met 8 wenne uit 13 netbalwedstryde en 4 wenne uit 5 rugbywedstryde teen Laerskool De Villiers Graaf (Akkedissies)...
“Chanette Paul beskik oor die vermoë om haar lesers in te trek en vasgenael te hou, tot by die laaste bladsy,” het Elsa Winckler tydens Chanette Paul se bekendstelling van haar 45ste boek destyds by Gansbaai Book Exchange gesê. Met verwysing na Huisgenoot (11 April 2024) se kommentaar, geld Elsa se stelling steeds ná die bekendstelling van Chanette se 50ste roman, Anoniem. Elsa van Bettysbaai is self ‘n befaamde skrywer, waarvan onlangs ‘n berig in die Gans-Berg Nuus (29 Maart 2024) geplaas is. Chanette was al verskeie kere ‘n ‘gas’ in Gans-Berg Nuus se uitgawes. ‘n Goue draad wat deur die boek loop, is die verhaal van ‘dr Lula Prins’ en ‘Kriek Kruger’. Lula vlug van haar verlede en begin ‘n nuwe lewe op ‘n klein gehuggie. Dit is waar Kriek se pad met hare kruis en hy stel ondersoek in of sy laatlam-broer werklik na sy dood gespring het en of iemand hom gestamp het - nog een van Chanette se romanse wat die leser op sy/haar tone hou tot aan die einde. “Ek voel ʼn bietjie oorweldig oor die ophef wat van my 50ste boek gemaak word, maar dis ʼn wonderlike gevoel om erkenning vir 28 jaar se harde werk te kry,” het Chanette aan Gans-Berg Nuus gesê. Chanette en haar geliefde lewensmaat, Blom, voorheen eienaar van Stanford Rivierboot, het Stanford na baie jare vir Grootbrak verruil. “ʼn Stuk van my hart het by my rustige oewerhuis in Stanford agtergebly, maar ek en Blom bly baie lekker waar ons nou is,” vertel sy. Chanette se 1ste boek, Maalstroom, is in 1996 bekendgestel, waarvoor sy in dieselfde jaar met ‘n Perskor- prys vir romantiese fiksie vereer is. “Daarna was daar geen keer meer aan my skryfwerk nie!” Chanette is nie meer by manuskripontwikkeling of slypskole betrokke is nie. “Dit was vir my wonderlik om betrokke te wees by die opbloei van Afrikaanse ontspanningsfiksie, maar dis geweldig tydrowend en ek skryf nou eerder min of meer voltyds,” sê sy. Chanette kan spog met baie toekennings sedert haar eerste roman - Gans-Berg Nuus wens haar alle sterkte toe in haar nuwe omgewing.
Hardus Botha
Gans-Berg Nuus is a weekly bilingual community newspaper serving Gansbaai and the surrounding Overstrand areas. With a front page that alternates between Afrikaans and English each week, Gans-Berg Nuus / News is proud to be a platform that stays up to date with local news stories, important municipa...
View ProfileXplorio is your local connection allowing you to find anything and everything about a town.
Read MoreJa-nee, met 8 wenne uit 13 netbalwedstryde en 4 wenne uit 5 rugbywedstryde teen Laerskool De Villiers Graaf (Akkedissies)...
Verlede week se weersomstandighede was maar baie wisselvallig en Saterdag was dit ook so met die loslating van die duiwe by Leeu Gamka.
Gansbaai Academia se gesellige besoek aan Silwerjare Dienssentrum was nie sommer net ‘n welwillendheidsbesoek nie.
The third successful and popular ‘Galjoen’ Competition occurred on Saturday, 17 August 2024.
Why are fires, even wildfires, important in the Overberg?