Gans-Berg News | 5 December 2025 Edition
Here’s a quick look at this week’s highlights, community updates, and important notices happening.
Gansbaai Jukskei-nuus
Gansbaai Jukskeiklub is weer goed op dreef in die nuwe seisoen. Die Gans-Berg Nuus (3 Mei 2024) het ‘n berig geplaas van ‘n suksesvolle ‘Toeks Moore Jukskei Ope Dag’ op 27 April 2024. Die opkoms was so groot dat die speltye verkort moes word.
Peter Moore berig oor hulle vergadering wat op Saterdag, 11 Mei 2024 gehou is. Die vorige seisoen se deelnames en prestasies is onder andere bespreek. Die Bestuur het ook na die nuwe seisoen se deelnames en span-inskrywings gekyk en lidmaatskapgelde bespreek.
‘n Belangrike deel van die vergadering was die verkiesing van ‘n nuwe bestuur:
Voorsitter - Gerhard Havenga; Visie-voorsitter - Peter Moore; Tesourier - Carina Botha; Sekretaresse - Stella Geldenhuys; Keurder - Gerhard Havenga. “Die volgende seisoen gaan ‘n groot uitdaging vir ons wees,” vertel Peter. “Daar is 18 Overbergspanne en ons het net 6 bane.”
Navrae oor Gansbaai Jukskeiklub kan aan Gerhard Havenga by 083 454 8727 gerig word, of skakel Peter Moore by 072 679 3798.
Hardus Botha
