Alzheimer Demensie in Gansbaai
Malan Heyns is ‘n dosent in Sielkunde en is onder andere betrokke by die Alzheimervereniging van Suid-Afrika se internasionale proewe.
Agri Wes-Kaap Santam Jongboer van die Jaar 2024
Die Agri Wes-Kaap Santam Jongboer van die Jaar is op 13 Junie 2024 in die Paarl aangekondig - Dean Barnard (40) van Waboomskraal is as die Agri Wes-Kaap Santam Jongboer van die Jaar 2024 gekroon. Dean boer al 19 jaar saam sy pa op Waboomskraal naby George, waar hy nou al vir die laaste 8 jaar by sy pa oorgeneem het. Hulle boer met hops, pruime, amandels en pekanneute.
In 2002 matrikuleer Dean aan die Hoërskool Landbouskool Oakdale waar hy ná skool Bemarking Bestuur aan die Nelson Mandela Universiteit (Saasveld) vir 2 jaar studeer, totdat sy pa hom een oggend skakel en sê dis tyd dat hy terug kom plaas toe. ‘Oppie Plaas Boerdery’ is een van 7 hops-boere in Afrika. Die voetspoor vir Castle en Castle Lite is hops wat slegs in Suid-Afrika geproduseer word. Die boerdery is ook die laaste 15 jaar onder die top 3 hops produsente. Die 2023 Autum Treat pruim-oes het vir hulle net onder die 100 ton per ha gelewer. Dean glo ook dat sy 486g pruim die Guinness World of Records gaan haal, aangesien die rekord tans 354.37g is.
Sedert Dean die leisels oorgeneem het, is die vernaamste veranderinge wat hy in die boerdery gedurende die afgelope vyf jaar teweeggebring het, nuwe besproeiings-tegnologie vir meer effektiewe waterbesparing wat sodoende meer ekonomies is, nuwe pruim-en amandelboorde is aangeplant en ‘n nuwe hops-uitbreiding op huurgrond is aangeplant. “Elke jaar is ‘n nuwe uitdaging en ek geniet ‘n uitdaging baie. Met die hoeveelheid grond tot my beskikking is dit ‘n intensiewe boerdery wat elke besluit laat geld.”
Dean se langtermyn visie vir hulle boerdery is om die pruime uit te brei na tussen 15 en 20 ha en hy wil graag hul eie pakstoor opsit om hul vrugte-oeste te pak, asook om dit vir boere in gemeenskap beskikbaar te stel om dit te huur.
Die beoordelaars was van mening dat Dean ʼn waardige ambassadeur vir jong boere van die Wes-Kaap tydens die Toyota SA / Agri SA Jongboer van die Jaar-kompetisie sal wees.
(Foto’s: Agri Wes-Kaap/Natalie Gabriels Photography)
Rojeanne de Wet: Agri Wes-Kaap Skakelbeampte
