Fynbos Academy Needs Support
Fynbos Academy on the farm, Langverwacht, Papiesvlei, Stanford, originally started as an informal daycare centre.
Hospitaal Vorder Fluks
Die bouwerk aan Overstrand Medical Centre, Gansbaai se eie hospitaal, vorder fluks. Dr Pierre Nel se vingers is op die ‘polse’ van die bou-bedrywighede, saam met die ontwikkelaar, Gerrit Meyer en die bouer, Fanie Theron, asook ander betrokkenes.
Gedurende Maart 2024 het Pierre aan die Gans-Berg Nuus (29 Maart 2024) gesê hy is tevrede met die naderende voltooiing van die Noodeenheid wat 24 uur van die dag en 7 dae van die week sal funksioneer. Hy het ook gesê die “Commissioning” van die Departement van Gesondheid behoort teen die einde van Augustus 2024 voltooi te wees. Die riool-aansluitings is geruime tyd gelede reeds voltooi en die konstruksiewerk aan die teater en saalblokke is op dreef.
‘n Lang en moeilike pad is aanvanklik gestap, maar die goeie nuus vir Gansbaaiers is dat daar lankal reeds nie meer kommer bestaan oor ‘n eie hospitaal vir Gansbaai nie. “Na soveel jare se harde werk en deursettingsvermoëns, is ons uiteindelik vandag hier om die eerste sooi vir Overstrand Medical Centre te spit,” het Raadsdame Riana de Coning op 28 Julie 2023 gesê - en kyk waar staan ons nou ‘n jaar later. Geluk aan elke rolspeler en baie sterkte vir die pad vorentoe met die bou van hierdie noodsaaklikheid vir Groter Gansbaai.
Hardus Botha
prev
next
