Birkenhead Boothengelklub: Kompetisie Uitslae...
Die Birkenhead Boothengelklub se eerste boothengelkompetisie vir die 2025 seisoen het op Saterdag, 2 November 2024 plaasgevind.
Boss Fit Spiertiere Maak Gansbaai Trots
Gansbaai se ‘Spiertiere’ onder leiding van Jaco Louw van Bosfit in Gansbaai het Mosselbaai se gespierde manne en vroue weer gewys hulle kom van Gansbaai af - en hulle het uitstekend gevaar! Jaco het sy eie Gym so onlangs as 1 Desember 2023 gestig, maar hy is lankal reeds ‘n gesoute en kampioen Body Builder (liggaamsbouer).
Drie van Jaco het drie van sy klublede na die kompetisie van die PCA Federasie op 6 Julie 2024 in Mosselbaai vergesel. “Ek het nie bedoel om ernstig aan die kompetisie deel te neem nie, maar eerder om my studente te gaan ondersteun,” vertel Jaco. “My wenplekke tydens die kompetisie was dus ‘n groot verrassing vir my.”
Uitslae:
Jaco Louw - Wenplekke in al 4 Afdelings: 3 x 1ste plekke en 1 x 2de plek. Jaco is tydens die kompetisie vir die SA-spankompetisie gekies; Marzanne Cloete - Jaco se suster en dit was haar 1ste kompetisie. Sy behaal 2 x 1ste plekke en 1 x 2de plek; Nathan Taylor - dit was ook sy eerste kompetisie en hy behaal 1 x 3de plek en 1 x 4de plek; Bernie Venter - dit was ook haar eerste kompetisie. Sy behaal 1 x 3de plek.
Baie geluk aan hierdie gespierde manne en vroue van Gansbaai wat uitstekend in die kompetisie gevaar het.
Nou wag die Battle of the Titans, een van SA se grootste Body Building kompetisies op 20 Julie 2024 in Durbanville op Jaco - baie sterkte, Jaco.
Die PCA Battle of the Titans, waarvoor Jaco reeds gekies is, is op die hoogste vlak van in Suid-Afrika, waarvoor die deure vir oorsese deelname oop is. Daar wag egter ‘n paar stappe vir Jaco wat gevolg moet word, maar hy is reeds voluit besig om aan sy voorbereidingsprogram te werk.
“Ek wil graag dankie sê aan my borge, waarsonder deelname aan hierdie kompetisies nie moontlik sal wees nie,” sê Jaco. “Hulle is Boss Fit, AK Fitness, Bizzy Bodyz, Gansbaai Bakhuis, M&H Design en Hair Haven.”
Hardus Botha
