Erfenisdag Kunsuitstalling
‘n Groep plaaslike kunstenaars het ‘n Erfenisdag Kunsuitstalling in die Birkenhead Boothengelklub se saal aangebied...
30ste Verjaarsdag vir Overberg Houtwerkgilde
As deel van hul 30ste verjaarsdagvieringe het die Overberg Houtwerkgilde ‘n besonderse uitstalling op Vrydag, 27 September 2024 in die Pretoriussaal op die verhoog aangebied. Dit was ‘n insiggewende en interessante uitstalling met pragtige voorbeelde van wat alles met hout gedoen kan word. Daar was houtspeelgoed, gereedskap, ornamente en baie meer, ingesluit ‘n uitbeelding met foto’s en mediaberigte sedert 1994.
Overberg Houtwerkgilde (voorheen die Overberg Houtwerk Assosiasie) is in 1994 gestig - 30 jaar gelede. Die groep houtwerkers (amateur en professioneel) se ‘veelvuldige’ doelwitte is onder andere: die uitbreiding van kennis oor die verskillende aspekte van houtwerk; hulpverlening aan lede en beginners; sosiale verkeer met ander wat van hout hou; periodieke besoeke aan houtwerk-verwante ondernemings; jaarlikse liefdadigheidsprojekte waar lede hul kundigheid en tyd gratis aanwend ter ondersteuning van plaaslike gemeenskapsinstansies en -organisasies.
Dit is dus duidelik nie net ‘n stokperdjie wat beoefen word nie - daar steek baie meer in die gilde as net dit. Gereelde interne demonstrasies word ook gereël waar spesifieke houtwerkkennis oorgedra en/of onderling uitgeruil word.
Die groep entoesiastiese lede kom elke 1ste Donderdag van die maand by Progress Design van Hennie Prinsloo in die Industriële gebied bymekaar. Belangstellendes, ingesluit dames, kan die sekretaris, De Wet Conradie, by 082 826 4411 vir navrae gekontak, of stuur ‘n epos aan hom by dewetconradie100@gmail.com.
Hardus Botha
