Gans-Berg News | 5 December 2025 Edition
Here’s a quick look at this week’s highlights, community updates, and important notices happening.
Perlemoenbaai Borskankerstap
‘n Gesellige Borskankerstap met Oktober as Borskankermaand, is in Perlemoenbaai deur Elsa Nimb gereël. Die groep het by Stanford’s Cove begin stap en sowat 2.3km tot by Elsa se huis gestap - die stappers het pienk uitrustings gedra. Hulle het terselfdertyd na ‘n kanker-bewusmakingspraatjie geluister. “Die doel van die stap was om opnuut bewusmaking vir Borskanker te skep, maar ook om ons donasie aan Hospice vir hul wonderlike werk te skenk,” het Elsa gesê.
“Ons stap was heerlik en gesellig en almal het dit terdeë geniet,” vertel Elsa. “Ons het ook besluit om die volgende naweek in Die Strand te gaan stap en beplan ook om ons staptog ‘n jaarlikse instelling te maak.”
Daar was ‘n prys vir die “Best Dressed”, maar die aanvanklike wenner het haar prys teruggegee - Annaleen Genade was toe die gelukkige persoon om dit te ontvang. Interessante gesprekke oor die belangrikheid van gesonde eetgewoontes en gewigsverlies is ook gevoer. “Dit was ‘n wonderlike ervaring gewees, maar die beste vir my is die nuwe vriendskapsbande wat gesmee is,” het Elsa gesê. Belangstellendes in hulle volgende staptogte kan vir Elsa by 082 575 9008 kontak.
Hardus Botha
