Reach for Covery se ‘Pienk Brunch’

Reach for Covery (R4R) Ondersteunings Organisasie het op 17 Oktober 2024 ‘n gesellige ‘Pienk Bruch’ by Hermanus Gholfklub aangebied. Sowat 120 gaste het die spog-geleentheid bygewoon, waartydens Ann-Marie Lubbe, voorsitter van Hermanus R4R en ook seremoniemeester, saam met die 7 vrywilligers aan die gaste voorgestel is.

Die gassprekers was dr Marli Groenewald, Onkologie Hospitaal, Elnette du Toit, Maatskaplike Werker en Elsabé Aldrich wat oor die ‘Lekkerte van Vrouwees’ gepraat het. Die gaste het interessante en goeie advies ontvang. Gedurende die oggend het Tinneke Lutzeyer en haar span van Komtessa Boutique pragtige uitrustings vertoon. Daar was geluktrekkings met pryse en elke gas het ‘n nuttige geskenkpakkie ontvang. Antoinette Jooste en Annaleen Genade het die uitstaltafel beman. “Die oggend was ‘n groot sukses en ek glo dit het aan Borskankermaand vir Oktober uiting gegeen,” het Annaleen gesê.

Hardus Botha

Zoom

Zoom

Zoom