Overberg Posduif Unie

Louis kraai ook hier koning

Vanjaar was daar geen keer aan Louis Groenewald nie. Net soos tydens die Gansbaai Posduifklub se prysuitdelingsfunksie (Gans-Berg Nuus, 22 November 2024), het Louis ook tydens die Overberg Posduif Unie se prysuitdelingsfunksie op Saterdagaand, 30 November 2024 koning gekraai en met die grootste deel van die trofeë huiswaarts gekeer.

Willie Marais, voorsitter van Gansbaai Posduifklub, asook van Overberg Posduif Unie, het die verwelkoming hanteer. “Dit is ‘n groot jammerte dat so min mense vir hierdie pragtige funksie opgedaag het,” het hy gesê. ‘n Pragtige en gesellige funksie is gereël, met ‘steak’ vanuit die boonste rakke. Willie het Norman (Jnr) Stevens, wedstrydsekretaris, aan die woord gestel vir die uitlees van die wenners se name, met Jeanie Grobler wat die sertifikate en trofeë oorhandig het.

Louis Groenewald kon net sowel voor bly staan het: 1ste Algeheel 2024 Kampioen; Jong duif; Ope duif; Kortpad - Jong duif, Ope duif en Algeheel; Middelpad - Jong duif en Algeheel; 6 x Wedvlugte. Nog Gansbaaiers wat uitgeblink het, is Japie Swart van J & J Swart, Charl Kruger van C & R Kruger, Careen Fourie van Fourie Lofts en Germishuys Hokke.

Die Top 10 in die Overberg Posduif Unie, waarvan die helfte (5) Gansbaaiers is, is: 1ste Louis Groenewald (Gansbaai); 2de J & J Swart (Gansbaai); 3de Germishuys Hokke (Gansbaai); 4de W & M Smith; 5de B Groenewald; 6de G Daniels; 7de J Ricket; 8ste A Little; 9de Fourie Lofts (Gansbaai); 10de C & R Kruger (Gansbaai).

Hardus Botha

Zoom

Zoom

Zoom

Zoom