Gans-Berg Newspaper - 7 November 2025 Edition
This week’s Gans-Berg Nuus is filled with community pride and inspiring local stories.
Tagtig jaar se NGK-geskiedenis
As deel van die Gans-Berg Nuus se geskiedenisblaaie, soos die ‘Dolosverhaal’ en die ‘Boet van Nette’, is ook die 80-jarige bestaan van die Gansbaai NG-gemeente - 1944 tot 2024, van groot belang. Die gemeente het in 1944 van die NG-gemeente in Stanford afgestig en is op 22 November 1944 deur die Ringskommissie in Gansbaai gestig - met 690 lidmate. Vandag is dit ‘n makro-gemeente met ‘n area wat strek vanaf De Kelders deur tot by Pearly Beach en Baardskeerdersbos, insluitend die plaasgemeenskappe.
‘n Gesellige, maar ook geestelike Feesweek, is vanaf Sondag, 17 November 2024 tot Sondag, 24 November 2024 aangebied. Die hoofstroom van aktiwiteite het die volgende ingesluit: Jeugkerssangdiens; 2 bustoere, met SD Fourie as gids wat die toergangers breedvoerig oor Gansbaai se geskiedenis ingelig het; ‘n gesellige ‘Maak ‘n Las’ aand met Gansbaai-stories wat vertel is; ‘n ligte ‘Klassieke-aand met Kaas & Wyn’ deur plaaslike kunstenaars, asook met Jeanine Williams as gaskunstenaar; ‘n spesiale Vrydagmark met Asanti Smit se studente en die Strandveld Boere-orkes; ‘n smaaklike ontbyt wat deur die leraars, ds Willie Kotze en ds Hanri Joubert voorberei is; ‘n oggenddiens deur ‘n voormalige leraar, ds NJ van As; die gewilde Kerssangdiens as die ‘kersie op die koek’.
‘n Spesiale uitgawe van die gemeente se Nuusbrief, Seestrome, is met 80 jaar se kosbare geskiedenis saamgestel en uitgegee.
Hardus Botha
prev
next
